‎امام غزالی رحمہ اللہ از محمد خالد جذبی

" امام غزالی " محمد خالد جذبی کی ایک سنجیدہ اور فکر افروز تحریر ہے جس میں امام ابو حامد غزالی رحمہ اللہ کی ہمہ گیر شخصیت کو ایک بزرگ صوفی اور فقیہ ہونے کے ساتھ ایک ایسے مفکر کے طور پر دیکھا گیا ہے جس نے اپنے عہد کی علمی ، فلسفیانہ اور روحانی کشمکش کو گہرائی کے ساتھ سمجھا اور اس کا جواب دیا ۔۔۔ اس مضمون میں امام غزالی رحمہ اللہ کی علمی عظمت کے ساتھ ان کے فلسفہ ، علمِ کلام ، فقہ و تصوف اور تزکیہِ باطن سے متعلق افکار پر بھی روشنی ڈالی گئی ہے ۔۔۔ محمد خالد جذبی نے خاص طور پر اس پہلو کو نمایاں کیا ہے کہ امام غزالی نے عقل و وحی ، فکر و وجدان ، اور بحث و عمل کے درمیان توازن پیدا کر کے اسلامی فکر کو ایک نئی سمت عطا کی ، یہ مضمون قاری کو اس حقیقت سے آشنا کرتا ہے کہ امام غزالی رحمہ اللہ کا کارنامہ صرف چند کتابوں کی تصنیف نہ تھا بلکہ ایک ایسے فکری بحران کا علاج بھی تھا جس نے اپنے زمانے کے اذہان کو الجھا رکھا تھا ، یہی وجہ ہے کہ ان کا ذکر اسلامی تاریخ میں ایک مجددِ فکر ، مصلحِ باطن اور حجۃ الاسلام کے طور پر کیا جاتا ہے ۔۔۔ محمد خالد جذبی کا یہ مضمون امام غزالی کی شخصیت اور فلسفے کو سمجھنے کے لیے ایک بامعنی اور دلکش پیشکش ہے جو اہلِ علم ، طلبہ اور سنجیدہ قارئین کے لیے یکساں طور پر موجبِ کشش ہے ۔۔۔