عن الكتاب
قبل أى حاجة أنا لاحظت إن المتجوزين المفروض ان العلاقة اللى بينهم تكون علاقة تصاعدية فى كل حاجة، من أول الخطوات لحد المشاعر .. بس دا طبعا مابيحصلش! العلاقة بينهم فعلا بتكون تصاعدية بس فى المسميات بس..بمعنى انهم بيتنقلوا من مرحلة "التعارف" إلى "الاعجاب" إلى "التظبيط" إلى مرحلة "خد بالك على نفسك ولا إله إلا الله" ثم إلى مرحلة "الهوت شوكلت والكيك (بدون هاء مربوطة)" ومنها إلى " المصارحة" وبعدين "الخطوبة" ومنها إلى آخر ليفل "الجواز" ..بعد الجواز بقى مابيبقاش فيه خطوات تصاعدية، بتتحول لتنازلية، يعنى من مرحلة "الجواز" إلى "شفت أمك عملت إيه" ومنها إلى "البيجامة الكاروهات والكحكة أم أستك بمبى" إلى مرحلة "رجب حوش بوزك عنى"
