أنا وأنت يساوي

-هو واحد زائد وحدة بيساوي كام؟ -إيه السؤال الغريب دا ؟ أنا طول عمري بأسمعها واحد زائد واحد! -هههههههههه لا دا مش عندي وبعدين هو إحنا في مدرسه؟؟ - بردو حضرتك بتتريق عليا ! -طيب خلاص بلاش دي خلينا في واحد زائد واحد بتاعت الرياضة هتساوي كام؟ -هتساوي إتنين طبعا -وإيه الثقة دي كلها ؟ غلط على فكرة .. -إزاي يعني واحد زائد واحد على طول بتساوي إتنين - فيه حاجه عايزك تعرفيها كويس ! واحد زائد واحد مش على طول بتساوي إتنين -ههههه لا يا شيخ .. أومال هتساوي كام؟ -ماهو دا سؤالي يا أم الذكاوه ... طيب هأساعدك علشان صعبتي عليا  أنا زائد إنتي هنساوي كام ؟ -كام؟ -أنا زائد إنتي هنساوي أنا وإنتي ! - ودا إزاي دا إن شاء الله؟ - يوووووه دا إنتي تلميذة بليدة أوووي إزاي إنتي دكتورة ها؟ هتتعبيني معاكي